ევროპარლამენტი: მოვუწოდებთ ევროკავშირს, სანქციების სიაში შეიყვანონ საქართველოს ეროვნული კომუნიკაციების კომისიისა და საზოგადოებრივი მაუწყებლის ხელმძღვანელობის წევრები

კერძოდ, რეზოლუციაში აღნიშნულია: „ევროპარლამენტი მკაცრად გმობს „ქართული ოცნებასთან“ დაკავშირებული მედიასაშუალებების, მათ შორის, „იმედის“, „პოსტივსა“ და „რუსთავი 2“-ის როლს, სისტემატური დეზინფორმაციის, ცილისმწამებლური კამპანიებისა და მტრული პროპაგანდის გავრცელებაში ევროკავშირისა და მისი ინსტიტუტებისა და წარმომადგენლების, კერძოდ, საქართველოში ევროკავშირის დელეგაციის ხელმძღვანელისა და ევროკავშირის წევრი სახელმწიფოების დიპლომატების წინააღმდეგ; აღნიშნავს გაერთიანებული სამეფოს მიერ ბოლო დროს მიღებულ გადაწყვეტილებას „იმედის“ და „პოსტივის“ წინააღმდეგ სანქციების დაწესების შესახებ; მოუწოდებს ევროკავშირის ინსტიტუტებს, გადახედონ ასეთი მედიასაშუალებების აკრედიტაციას ევროკავშირის ინსტიტუტებში და მოუწოდებს ევროკავშირის წევრ სახელმწიფოებს, მიჰყვნენ გაერთიანებული სამეფოს მაგალითს, მიიღონ შესაბამისი და პროპორციული შემზღუდველი ზომები იმ პირებისა და ორგანიზაციების წინააღმდეგ, რომლებიც პასუხისმგებელნი არიან დეზინფორმაციული კამპანიების ორგანიზებასა და დაფინანსებაზე, მათ შორის, ადამიანის უფლებების სფეროში ევროკავშირის გლობალური სანქციების რეჟიმის ფარგლებში; მოუწოდებს ევროკავშირს, სანქციების სიაში შეიყვანონ საქართველოს ეროვნული კომუნიკაციების კომისიისა და საზოგადოებრივი მაუწყებლის ხელმძღვანელობის წევრები“. - ინფორმაციას საქართველოს საზოგადოებრივი მაუწყებელი ავრცელებს